Unha libreta, un lápiz, fita, 2 pompóns amarelos, 2 ollos de plástico, goma eva cor carne, verde e amarelo, e goma eva prata brillante. Mirade con que pouquiñas cousas transformamos unha libreta simple nun diario ou caderno.
Primeiro recortei dous rectángulos de goma eva verde e dous anacos de fita que servirán para pechar a libreta cunha lazada.
Para poñer a fadiña pequena no lápiz, recortei outro rectángulo verde, enroleino ó redor, facendo un cilindro, e cun pouco de loctite (xunto coa silicona é o mellor adhesivo para este material) fixeino así enrolado, evitando que quede pegado ó lápiz.
E agora tocan as fadiñas, grande e pequena. Simplemente hai que debuxar e recortar o patrón en papel, e calcalo pola parte interior da goma eva cun lápiz. A parte interior é a que vai pegada á libreta e ó cilindro, e así non se notan as lapizadas. Logo queda recortar as partes calcadas na goma e pegalas. Ós pompóns, ollos e á fita que adorna o pelo tamén lles puxen Loctite.
![](//3.bp.blogspot.com/-0QOxz7cMEqE/VVE6b3AIoBI/AAAAAAAAArw/N0RAr4lJB00/s320/1cfa48a0fc364a38b2da2857fb5f52ca.jpg) |
As pestanas e o nariz da fadiña grande e toda a cara da fadiña pequena foron debuxados cun rotulador indeleble. |
![](//2.bp.blogspot.com/-chrUg3vS730/VVE6ewuinkI/AAAAAAAAAr4/hscbRrKcr34/s320/66af288789e743fca22a645b59e23922.jpg) |
A lazada do pelo da fadiña grande, está pegada só polo nó, xa que lle dá máis volume e queda máis vistosa. |
![](//3.bp.blogspot.com/-p5bvssxz9ro/VVE6h4_hg1I/AAAAAAAAAsA/jvI9AzdKQwo/s320/670fd10e37f34dff9027cbae3ec63988.jpg) |
Nas meixelas da fadiña puxen un pouquiño de rubor cun pincel de maquillaxe. |
![](//3.bp.blogspot.com/--k2PXN8WOaU/VVE6pisEEaI/AAAAAAAAAsQ/efQLPuaqBDY/s320/7ab6059d4e2b4a7a9325c85e13b00132.jpg) |
O lápiz está composto polo cilindro verde, a fadiña, eunha lazada pola parte contraria onde vai esta. |
![](//3.bp.blogspot.com/-YKlsS8ZCJ_I/VVE6t3OGhbI/AAAAAAAAAsY/jowpKGiAPJo/s320/4bd911b1fd0d49f5a4fff3cea8ad6653.jpg) |
Os pompóns da fada pequeniña están feitos con goma eva xa que son moi pequenos. |
Ningún comentario:
Publicar un comentario
Comentarios: